Showing posts with label Gulzar. Show all posts
Showing posts with label Gulzar. Show all posts
TOP

Din Rat

Posted by E-designer at 9:57:00 pm
Teri Ankhon Se Hi Khulte Hain Saveron Ke Ufaq 

Teri Aankhon Se Hi Band Hoti Hai Ye Seep Ki Raat 

Teri Aankhen Hain Ya Sajde Main Hai Masoom 

 Namazi 

Palken Khulti Hain to Youn Goonj Ke Uthati Hai 

 Nazar 

Jaise Mandir Se Jaras Ki Chale Namnaak Hawaa 

Aur Jhukti Hain To Bas Jaise Azaan Khatm Huee Ho 

Teri Ankhen, Teri Thahri Huee Gamgeen See Ankhen 

Teri Ankhon Se Hi Takhleeq Huee Hai Sachchi 

Teri Ankhon Se Hi Takhleeq Huee Hai Ye Hayat
0 comments
Labels: ,
TOP

Roz sahil pe khade hoke yahi dekha hai

Posted by E-designer at 9:53:00 pm
Roz sahil pe khade hoke yahi dekha hai

 Shaam ka pighla hua surkh-sunhari rogan

 Roz matiyale-se paani mein yeh ghul jaata hai

Roz sahil pe khade hoke yahi socha hai

 Mein jo pighali huee rangeen shafaq ka rogan

 Ponchh loo haathon pe

Aur chpuke se ik baar kabhi

 Tere gulnaar se rukhsaaron pe chhap se mal doon

 Shaam ka pighala hua surkh-sunhari rogan
0 comments
Labels: ,
TOP

Aao Phir Nazm Kahen

Posted by E-designer at 9:52:00 pm
Aao Phir Nazm Kahen 

Phir Kisi Dard Ko Sahla Ke Suja Le Ankhen 

Phir Kisi Dukhti Rag Se Chhua De Nashtar


Ya Kisi Bhooli Huee Raah Pe Mudkar

Ek Baar Naam Lekar 

 Kisi Hamnam Ko Awaz Hi De Le

Phir Koi Nazm Kahen
0 comments
Labels: ,
TOP

wo khat kay purzay ura raha tha

Posted by E-designer at 9:43:00 pm
wo khat kay purzay ura raha tha

 hawaon main roop dikha raha tha

 kuch aur bhi ho gaya numayan

 main apna likha mita raha tha

 usi ka iman badal gaya hai

 kabhi jo mera khuda raha tha

 wo aik din ik ajnabi ko

 meri kahani suna raha tha

 wo umer ker raha  tha meri

 main sal apnay barha raha tha
0 comments
Labels: ,
TOP

Sans lena bhi kesi adat hai

Posted by E-designer at 9:37:00 pm
Sans lena bhi kesi adat hai

 jiay jana bhi kia riwayat hai

 koi adat nahi badan main koi

 koi saya nahi hai ankhon main

 paon be his hain chalte jatay hain

 ik safar hai jo behta rehta hai

 kitnay barson say kitni sadiyon say

 jiyay jatay hain, jiyay jatay hain

 adaten bhi ajeeb hoti hain
0 comments
Labels: ,
TOP

jaise ehasaan utarata hai koi

Posted by E-designer at 9:33:00 pm
ainaa dekh ke tasali hui

 ham ko is ghar men janata hai koi
pak gayaa hai shazar pe phal shayaad
phir se patthar uchalta hai koi
phir nazar men lahu ke chintain hain
tum ko shaayad mughalta hai koi
der se gonjti hain sannatay
jaise ham ko pukarata hai koi
0 comments
Labels: ,
TOP

Adatan tum ne kar diye vaade

Posted by E-designer at 9:30:00 pm

aadatan tum ne kar diye vaade
aadatan ham ne aitabaar kiya
teri rahon men baarahaa ruk kar
ham ne apanaa hii intazaar kiya
ab naa man gainge zindagii yaa rab
ye gunah ham ne aikk bar kiyaa
0 comments
Labels: ,
TOP

Ankhon mein jal rahaa hai kyun bujhata nahin dhwan

Posted by E-designer at 9:28:00 pm

Ankhon mein jal rahaa hai kyun bujhata nahin dhwan

 uThataa to hai ghaTaa saa barasataa nahin dhuaan
chuulhaa nahin jalaaye yaa basti hi jal ga_ii
kuchh roz ho gaye hain ab uThataa nahin dhuaan
aankhon se ponchane se lagaa aanch kaa pataa
yuun cheharaa pher lene se chhupata nahin dhuaan
aankhon se aansuon ke maraasim puraane hain
mehamaan ye ghar men aayen to chubhataa nahin dhuaan

0 comments
Labels: ,
TOP

Ek pashemani si rehti hai

Posted by E-designer at 9:27:00 pm
Ek pashemani si rehti hai

 Uljhan or girani bhi

 ao phir say lar ker dekhain shayad

 is say behtar koi or sabab mil jaye

 ham ko

phir say alag ho janay ka!
0 comments
Labels: ,
TOP

Nazm uljhi hui hai seene mein

Posted by E-designer at 9:23:00 pm

nazm uljhi hui hai seene mein

 misare atke hue hain hothon par

 udate phirte hain titaliyon ki tarah

 lafz kaagaz pe baithate hi nahin

 kab se baithaa hun main jaanam

 saade kaagaz pe likh ke naam tera

 bas tera naam hi mukammal hai

 is se behtar bhi nazm kyaa hogi
0 comments
Labels: ,
TOP

Sham se aankh mein nami si hai

Posted by E-designer at 9:21:00 pm

Sham se aankh mein nami si hai

 aj phir aap ke kami si hai

 dafan kar do hamen ki sans mile

 nabz kuch der se thami si hai

 waqt rehta nahi kaheen chupakar

 is ke aadat bhi aadmi si hai

 koi rishta nahi raha phir bhi

 ek taslim lazami si hai
0 comments
Labels: ,