poetry

Sabhi hain noha ba lab kon kis ka dukh baantay 

Yaha to jo bhi hai ek marsia wafa ka hai 

Isay to khair say be had shaoq-e-bakhia giri 

Magar sawaal merey zakham ki an'a ka hai 

Dar-e-qabool ko zid hai udhar k band rahay 

Magar yaha bhi kisay hoasla dua ka hai 

Tabeeb-e-dil hai, magar haal-e-dil say begana... 

Ajab haal merey dard ashn'a ka hai !

Chiraag-e-jaan hai salamat to kheriyat jaano 

K shab safar ki hai aur dasht karbala ka hai.