poetry

Khwaab dil hain na aankhein na saansein ke jo

Rezaa-rezaa hue to bikhar jayein ge

Jism ki maut se yeh bhi mar jayein ge

Khwaab marte nahin

Khwaab to roshni hain, 

navaa hain, 

hawa hain

Jo kaale paharon se rukte nahin

Roshni aur navaa aur hawa ka alam

Maqtalon mein pohanch kar bhi jhukte nahin

Khwaab to harf hain

Khwaab to noor hain

Khwaab to suqraat hain

Khwaab mansoor hain