TOP

Eid ab ke baras nahee ai

Posted by E-designer at 4:16:00 pm
Hai wohi aasman zameen wohi

 Maah o anjum ussi tarah raushan

 Kehkashaan ab bhi muskuraati hai

 Phool kaleyaan mehak rahi hain yunhi

 Baad muddat ke saaray pardesi

 Apne apne gharoon ko aaye hain

 Har taraf rang-o-bou ka mela hai

 Aur tanha mein apne kamre mein

 Kab se betha hoon aur soch raha hoon

 Jaanay kya baat hai ke ghar mein mere

 Jo guzashta barass thi raunaq

 Ab woh kaheen bhi nazar nahe aati

 Hai fiza mein ek ajeeb sa san’naatta

 Haan faqat ek tere chale jaanay se

 Aisa mehsoos horaha hai mujhe

 Rutt khushi ki har taraf tu aee hai

 Sirf chote se mere aangan mein

 Eid ab ke baras nahee ai

Labels:

0 comments:

Post a Comment